رانه لمر ورک شوی
لغمان
لطف الله مشعل
له جوماتونو مو منبر ورکر دی
له بتخانو نه مو آذرورکر دی
څه د ماتم د قبیلي غړي شوو
خوښۍ مو ورکي دي اختر ورک دی
ستورو! د خدای په نوم راویې ښیي
شل کاله کیږي لانه لمر ورک شوی
چا یې کور وران کړ، څوک یې نوم ورانوي
پښتون هم برورک دی، هم لر ورک شوی
خدایه!په سیمه څه تالان راګډ دی
ورشو مو ورکره شوله ، غر ورک شوی
دښمن راکړی څه مرګونی ګزار
وجود مو شته دی ، راته سر ورک شوی
ټول یې پیژني یو د غم په امیل
له چا زړګی، له چا ځیګر ورک شوی
د کلي ناوې له سلګو نه دې ځار
له تا خاوند، له ما دلبر ورک شوی
