چين نړيوالې راډيو دخبر له مخې، د روانې مياشتې د ١٥ نيټې له غرمې وروسته تر څلورو بجو پوری په سه چوان ولايت کې د زلزلې له امله د مړو شويو کسانو شمير نژدی شل زره ته رسيدلی او اټکل کيږی چې ښايی څه دپاسه پنځوس زره تنه په دغه زلزله کې مړه شوي وي .

د روانې مياشتې په ١٥ نيټه له غرمې وروسته د سه چوان ولايت د والي مرستيال لي چنګ يون په يوه خبری ناسته کې د دغې زلزلې په اړه نوی معلومات خپاره کړل او ويی ويل چې تر اوسه د سه چوان ولايت په ون چوان ولسوالی کې د زلزلې له امله نژدی يو سل زره تنه ټپيان شوي او څه دپاسه ١٣ زره تنه ژغورل شوي دي.

هغه زياته کړه چې د ژغورنې کارونه اوس هم روان دي.