سره کوڅه
په مخه راغله وار ختا تیره شوه
رویباره نن چې مې ژړا تیره شوه
سترګې هوسۍ عادت دزرکې لري
دسترګو رپ کې په هوا تیره شوه
زه بې له تا شکایت چاته وکړم
چې دې وعده بیا له سبا تیره شوه
نن پښتنې شونډې بیا وچې وینم
دوخت لیلا ترې بې نوا تیره شوه
چې دبیلتون کر ښې ته سر ټیټوي
له بې غیرتو په ژړا تیره شوه
نا هد ټپئ دملالۍ وکړې بیا
څوک چې له ځانه په حیا تیره شوه
ډیر په کې وسولو خبر بی خبر
په سره کوڅه کې سره هوا تیره شوه
دخدمتګار پیغام يي ورساوه
زما په ښکلې پښتونخوا تیره شوه