په افغانستان کې د چاپيريال ساتنې نړيواله ورځ داسې مهال لمانځل کيږي چې د چارواکو په وينا د دغه هيواد چاپيريال له سختو گواښونه سره مخامخ دى.
د افغانستان د چاپيريال ساتنې اداره وايي د هيواد په بيلابيلو برخو کې په ناقانونه توگه د طبيعي ځنگلونه وهل پر چاپيريال ناوړه اغيز کړى دى.
د چارواکو په ويناپه تيرو لسيزو کې د دغه هيواد نيمايي ځنگلونه له منځه تللي چې يو وخت يې د هيواد په سلو کې دريمه برخه پوښلې وه.
د سون دناسمو توکو لوگي، د انساني او حيواني فضوله موادو او د استعماليدونکو پلاسټيکونو او نورو توکو لپاره د ځانگړيو ځايونو نشتوالى د چاپيريال نور لوى ککړونکي بلل کيږي.
د افغانستان په ځنگلونو کې د ژويو نا قانونه ښکار هم د دغه هيواد د چاپيريال د ساتنې په وړاندې ستره ننگونه شميرل کيږي.
د افغانستان د چاپيريال ساتنې اداره وايي د يادو شوو ستونزو د له منځه وړلو په موخه ېې ځانگړې تگلاره جوړه کړې او هيله لري چې د دغې تگلارې په پلي کولو به د چاپيريال ساتنې ستونزه تر ډيره له منځه ولاړه شي.
د عامې روغتياوزارت وايي د ککړ چاپيريال له امله هرکال په دغه هيواد کې گڼ شمير انسانان په ناروغيو اخته کيږي .
د دغه وزارت وياند عبدالله فهيم وايي هر کال لسگونه ماشومان د ککړ چاپيريال له کبله د راپيدا شوو ناروغيو له امله مړه کيږي.
غږ
په افغانستان کې د چاپيريال د ککړتيا په اړه افغان چارواکي داسې مهال انديښنه ښيي چې په همدې ورځ د ملگر ملتونو عمومي منشي بان کې مون هم د يوې خپرې شوې خبرپاڼې پرمټ پر نړيوالو د چاپيريال ساتنې غږ کړى. له بي بي سي سايټ نه په مننې
| 
