pashtana دوني, 2017-11-22, 8:31 AM
Main | Registration | Login Welcome Guest | RSS
Site menu
News topics
خبرونه [44]
شعرونه [41]
ليکني [11]
خبرتياوي [1]
مرکې [0]
لنډې کیسې [7]
Our poll
Rate my site
Total of answers: 80
Main » 2008 » جون » 9 » د بي بي سي خبريال روحاني وژل شوى دى
د بي بي سي خبريال روحاني وژل شوى دى
10:49 AM

بي بي سي په ډېرې خواشينۍ سره خبر ورکوي چې په هلمند کې زموږ د خبريال عبدالصمد روحاني مړى، د ولايت مرکز لښکرگاه ته ورڅېرمه موندل شوى دى .

داسې ښکاري چې پر ده د ټوپک ډزې شوې او وژل شوى دى .

خداى بخښلى روحاني له تېرې ورځې راهيسې لادرکه وو .

د ده د وژل کېدو په اړه نن له بي بي سي سره اړيکه ونيول شوه او وغوښتل شول چې د هغه د مړي په پېژندگلوۍ کې همکاري وکړي .

عبدالصمد روحاني له تېرو درېيو کلونو راهيسې د بي بي سي له پښتو، فارسي او انگريزي څانگو سره کار کاوه .

له ٢٥ کلن ارواښاد روحاني څخه يوه لورکۍ دوه مېرمنې پاتې دي او سپين ږيرى پلار او بوډۍ مو ر يې هم لا ژوندى دي .

اواښاد عبدالصمد روحاني په دغه موده کې د بي بي سي لپاره په روانو امنيتي، سيا سي او ټولنيزو برخو کې له هلمند خبرونه او رپوټونه برابرول .

ده په تېرو څو کلونو کې د هلمند بېلابېلو جگړه ځپلو سيمو ته په هر ډول حالاتو کې سفرونه کړي او د سيمې د حالاتوپه اړه يې خبرونه ورکړي .

(( زۀ مچ نه شړم ما څوک څه کوي ؟ ))

اواښاد روحاني په هلمند کې د لومړي افغان خبريال په توگه له پژواک خبري اژانس سره څو کاله وړاندې کار پيل کړ .

د بي بي سي دغه خبريال د هلمند په نوزاد ولسوالۍ کې زيږېدلى و او له څو کلونو راپدېخوا يې د لښکرگاه په ښار کې ژوند کاوۀ .

ارواښاد روحاني د شنبې په مازديگر د هلمند له مرکز لښکر گاه څخه لا درکه شو او د يکشنبې په مازديگر يې مړى د لښکر گاه په لوېديځ پنځه کيلومترۍ د بولان په هديره کې وموندل شو .

لومړني رپوټونه وايي چې ارواښاد روحاني په ډز و ېشتل شوى او له نښو نښانو څخه داسې ښکاري چې تېره شپه دې وژل شوى وي .

تر اوسه د نوموړي د وژنې پړه چا پر غاړه نه ده اخيستې، خو ده وړاندې ويلي و، چې په بيا بيا ورته د نا معلومو کسانو لخوا د مرگ گواښونه شوي .

 

له بي بي سي سايټ څخه په مننې                                                   

Category: خبرونه | Views: 525 | Added by: tolpashtana | Rating: 0.0/0 |
Total comments: 0
Only registered users can add comments.
[ Registration | Login ]
Login form
News calendar
«  جون 2008  »
یوندونمنخڅالونبینځجمعاون
1234567
891011121314
15161718192021
22232425262728
2930
Search
Site friends
Statistics

Copyright MyCorp © 2017